HIRIYAA

Nama karaa irraa harka namaa ilaalu

Jireenyi hundumtuu nam biraan qajeelu 

Kan garaan koo beeku dhoksaa dhugaa cimaa 

Dhoksaa an qofti beeku ka'een har'a hima
 Dhaabaan gad hordanis qophaasaa  hin dhaabatu
Mukti osoo hin daraariin firii hin harcaafatu

Dameetti uumamee baalli akka jiraatu 

Hiddi lafa hammatee akka jirma baatu 

Hundu waliin malee qophaa isaaa hin jiraatu

Ta'us yoo kophoome gocha isaa hin dagatu 

Nama garaa kootii  hiriyaa ganamaa 

Hiree durii durii kan gaafa uumamaa 

Kan gaafa dukkanaa fi guba  adhuu saafaa

Hiriyaa koo durii innaa mucuca lafaa

kun maal nama dhibaa kan kanaa oliiyoo isiniyyuu beektuu '

 waanan keessa dabre jireenya hoo'ituu

ishee gaafa kophaa gaafa cinaachi koo jiitu

qabaan garagalee  gargaarsa barbaadee ija namaa ilaalee

ribuun dugdaa laafeesan dhabe mogolee

bara miidhama koo cinaacha dagalee  

kophaa koo gad taa'ee yaada kuusee kuusee
humnaan ga'uu dhabnan haamilee of buusee
adeemee hin dhaqqabu,dhaamee hin dhaqqabsiisu
bakka garaa of ga'eess yaadallee of hin ciibsu

dhibee ijoollummaadhaan sammuu na qabate
yaaddoo natti ta'ee keessa koo na nyaate
nadhii mucummaa koo narraa arraabbatee

ciraa koo balleessuuf sa qeensa yaafate

ofirratti ilaalee of dhiphisuu qabee 

silaa humna hin qabuu yaadaan itti cabee 

jireenyi koo hundumtuu garasitti dabee 

falaafis hin ciifnee fallisaayyuu dhibee 

wantan dura hin qabne tokko asii jalqabe 

ifa innaa ijoollummaa qarayyoo koo dhabee

Maaltu ifa malee tarkaanfatee adeemaa ?

yaa jiruu dukkanaa .....

kun yeroo akkanaa abjuutu itti gamaa

kun lafuma walqixxee utaaluuf aggaama 

egaa dubbiin kiyyas kana hin caalu homaa 

akeektuu koo durii ifa innaa ijoollummaa 

kanaafan jedhaanii Hiriyaa Ganamaa 

IHH..AYII..ih yaa innaa yeroo koo  sanaa 

akkuma namaattuu maaltu qabaa ulfinaa

silaa waanti ofii hin godhannee maalqabaa salphina 

UHH...IHH.MUUU yaa innaa yeroo koo  sanaa

akka mimmiixachuu yaada koon hokkoluu 

dafqa bu'aa hin qabne aariin of wallaaluu

jireenya mucummaan rakkoo waliin abbaluu 

gufuu tasa dhufte faana morkii galuu


dhibeen gufuu taate qarootti na ceete
maalan himee fixa waan isheen na goote
bifa namummaa koo anarraa qunciftee
foon lafee kiyyarraa soqxee irraa qorqitee

 toora qaama kooti qilleensa galchitee
gurmuu lafee kiyyaa garaagara baaftee
humnaan harka qabdee rakkootti na laattee
maalan himee fixaa waan isheen na goote



yeroon fiiguu qabuttii milla koo na hiitee
tapha innaa ijoollummaaf qalbii na rarraaftee
hiriyaa na biraa fiigdee quruphistu
 oliif gadi kaattee maatii isheef ergamtu
jireenya baadiyyaa loon bishaan obaaftu
muu yaa qaroo kanaa waan isheen namaa gootu